Loperswol® wurket no mei 100 prosint biologyske skieppewol fan Fryske melkskiep. En dêr binne wy ​​tige grutsk op.

It Frysk Melkskieppe Stamboek is oprjochte yn 1908 en is dêrmei it âldste melkskieppestamboek fan Nederlân!

It Frysk Melkskiep

Yn de tachtiger jierren wie dit ras hast útstoarn, mar gelokkich hawwe der in pear entûsjaste fokkers yn Fryslân en Seelân west dy't dit ras yn stân holden hawwe. De Fryske melkskiep binne grutte, wite skiep mei in karakteristike lange hals, in kop sûnder wol en in sturt dy't oan de hakke ta rint. Wy binne fansels in bytsje foarynnommen, mar se binne echt ôfgryslik skattich.

Oant yn de earste helte fan de tweintichste iuw kaam it melkskiep noch folop foar yn Flaanderen, Seelân en Fryslân. Dizze skiep waarden holden foar sawol molke as wol, mar troch de populariteit fan de Tekseler (in skiepperas dat benammen foar syn fleis holden wurdt), waard it finansjeel minder ynteressant. En troch de opkomst fan keunstfezels en de ymport fan goedkeape wol út Australië waard de wolproduksje ek minder ynteressant. Gelokkich giet it no wer goed mei de Nederlânske melkskiep, tanksij de tanimmende populariteit fan skieppetsiis en skieppeyochert.

Fryske Loperswol® (Rinnerswol)

En no is Loperswol der by kommen. De prachtige wite wol fan it Fryske melkskiep is hearlik sêft en sit fol wolfet (lanoline). Ideaal foar seare fuotten. De lanoline wurdt goed troch de hûd opnommen en de natuerlike fezels fan de skieppewol soargje derfoar dat de wriuwing by it kuierjen minder wurdt. Ideaal dus om blierren foar te kommen en as oplossing foar hakspoaren, lykdoarnen en pine ûnder de foet.

De keninginne fan de skiep

Mar werom nei ús Fryske melkskiep. Wy fine dat echt in skattich skiep. Skieppehâlder Baukje Forte út Stiens sei yn in fraachpetear mei it tydskrift Landleven: "It Fryske Molkskiep is unyk fan karakter. Se komme út harsels by de hikke. Ik haw gjin hûn nedich om se byinoar te driuwen, wannear’t ik rop, komme se. Se binne hiel fluch op minsken rjochte." It oare aspekt dêr’t de leafhawwer fan melkskiep wei fan is, is it uterlik. "De moaie lange nekke. By in Tekseler sit de kop der op 'plakt', krekt in boetsearskiep, al fyn ik in Tekseler net ûnsjoch. In molkskiep is in elegant skiep, heech op 'e poaten en it sjocht grutsk de wrâld yn. De keninginne fan 'e skiep."

Yn itselde artikel yn Landleven stiet ek dat it Fryske melkskiep tige sûn is en wol tsien jier âld wurde kin. “It Fryske Molkskiep hat gjin erflike mankeminten, fruchtberens- en ynteeltproblemen. It is in 'duorsum' skiep mei in sûne bou. Molkskieppeboeren wolle in skiep dat op syn minst fiif oant acht jier folop produksje jout. In leeftiid fan tsien jier is dêrom gjin útsûndering. Dat makket it ferskil mei in protte fleisrassen dy’t fokt binne om sa fluch en safolle mooglik te groeien en mei twa jier al krom en stiif binne.”

Biologyske wol

Sykjend nei de bêste wol foar ús Loperswol kamen wy by boer Arno, dy't in biologyske skieppehâlderij hat. De moaiste skiep, de moaiste wol en ek noch biologysk.

Ivoarwite skieppewol

De wol fan it Fryske melkskiep is ivoarwyt en hat lange glânzjende fezels. It fielt supersêft oan en kinst it maklik tusken de teannen triuwe, ûnder de foet, by de hakke of wêr't de foet mar sear docht by it rinnen. De wol komt streekrjocht fan it skiep en wurdt mei de hân skjinmakke. De wol wurdt net wosken om it wolfet te behâlden. En dêrom rûkt it in hiel lyts bytsje nei skiep. Mar net nei samar in skiep. Nei de keninginne fan de skiep: ús eigen Fryske skiepkes.

Bestel no dyn pûdsje mei biologyske Loperswol

Wandel met LOPERSWOL®. Wol is al eeuwen lang een beproefd middel om blaren te voorkomen en om blaren te genezen. Het wolvet (lanoline) in de schapenwol smeert de huid en houdt die in goede conditie. De vezels in de wol verminderen de wrijving tijdens het lopen en het geheel zorgt voor een heerlijk zacht kussentje. Bestel nu gelijk hier je zakje antidruk wol om blaren te voorkomen.